Krossover “Porsche Macan” bu yaxınlarda dünya premyerasını qeyd edib. Onun satışa yeni çıxmasına baxmayaraq, tüninq olunmuş variantı da meydana gəlib. Həm də dünyada ən cəld atelye “Porsche” modellərinin “düzəldilməsində” ixtisaslaşan alman tüninq-atelyeləri deyil, Moskva atelyesi Top Car-ın mütəxəssisləri oldu. Hələlik yalnız asma variantı hazırdır, lakin Top Car mütəxəssisləri “Porsche Macan”-ın mühərriklərini də mükəmməlləşdirməyə hazırlaşırlar. Artıq məlumdur ki, “Porsche Macan Turbo” modifikasiyası 100 a.g. əlavə (500 a.g.-n qədər), gələcəkdə isə 600 a.g. olan mühərrik əldə edəcək.
