TopCar-dan unikal Porsche Panamera

Moskva tüninq-atelyesi TopCar yeni əsərlərindən birini – fərdiləşdirilmiş beşqapılı sportkar “Porsche Panamera Turbo S”-i – təqdim etdi.

Rahat alman hetçbeki idman bodi-kiti Stingray GTR, yeni təkər dəsti və banın yeni rəngini əldə etdi. Lakin bütün bu tamamlamalar interyerin daxilindəki əsas dəyişikliklərlə müqayisə oluna bilməz. Burada tünerlər timsah dərisindən istifadə ediblər. Aerodinamik asma avtomobilə fərqli qabaq bamper, genişləndirilmiş ventilyasiya edilən qanadlar, astanalara və qapılara qoymalar, üzərinə dördqabırğalı diffuzor birləşdirilmiş yenidən işlənmiş arxa bamper və yük yeri ilə birləşdirilmiş spoyler gətirdi.

Bundan başqa, “Panamera” ventilyasiya dəlikləri olan kapot, yüngül lehimli ADV.1 Wheels diskləri və aşağı salınmış asılqana malikdir. Salon bənövşəyi timsah dərisi ilə tikilib. Karbon qoymalar, dayaqlardakı alkantara və oturacaqların mərkəzlərindəki perforasiya olunmuş dəri də eyni tonda, bənövşəyi çalarda hazırlanıb.

Daha parlaq təzad üçün qızıl aksentlər və oturacaqların və yer xalılarının  ağ konturları istifadə olunub.